Жария оферта шарты

ASKONA.KZ интернет-дүкені мен интернет-дүкеннің қызметтерін пайдаланушы арасындағы осы жария оферта шарты askona.kz интернет-дүкенінің сайты арқылы тауарларды және/немесе қызметтерді сатып алу талаптарын анықтайды. Бұл шарт – оферта 2024 жылдың 23 мамырынан бастап қолданылады.

1.1. «KZ Sleep Market» (КЗ Слип Маркет) жауапкершілігі шектеулі серіктестігі Қазақстан Республикасы Азаматтық кодексінің (бұдан әрі – ҚР АК) 395-бабына сәйкес жеке тұлғаларға жария шарт – оферта (ұсыныс) болып табылатын осы сатып алу-сату шартын жариялайды.

1.2. Осы Жария оферта шарты (бұдан әрі «Шарт» немесе «Оферта» деп аталатын) «KZ Sleep Market» (КЗ Слип Маркет) ЖШС (бұдан әрі - «Сатушы») мен Офертаны акцепттеген тұлға арасындағы Шарттың барлық маңызды талаптарын белгілейді.

1.3. Осы шарт тапсырысты рәсімдеу сәтінде Сатып алушы мен Сатушы арасында жасалады.

1.4. Офертаны Қазақстан Республикасының аумағында askona.kz сайтында орналасқан және Сатушы белгілеген бағалармен Сатушы сататын/ұсынатын тауарды және/немесе қызметтерді сатып алуға ниеті бар кез келген 18 жасқа толған жеке тұлға акцепттей алады (қабылдай алады).

1.5. Тапсырысты рәсімдеу арқылы Сатып алушы офертада жалпы қамтылған барлық талаптарды сөзсіз қабылдайды (яғни, толық көлемде және ерекшеліксіз), бағалармен, акциялармен, тауарды жеткізу мерзімдерімен, кепілдікті міндеттемелермен және ұсынымдармен, тауарды жеткізу және сақтау талаптарымен танысқанын растайды., сондай-ақ сайтта жарияланған тиісті құжатта көрсетілген талаптармен дербес деректерді жинауға және өңдеуге Сатушыға келісімін береді.

1.6. Осы шарттың (яғни интернет-дүкеннің жария офертасының) талаптары қабылданған жағдайда, офертаға акцепт жасаған жеке тұлға Сатып алушы болады.

1.7. Акцепт – бұл Сатушы ұсынған талаптармен жеке тұлғаның тауарды/қызметтерді сатып алу ниеті туралы хабарламаны Сатушының алуы.

1.8. Оферта, оған барлық қосымшалар, сондай-ақ «KZ Sleep Market» (КЗ Слип Маркет) ЖШС тауарлары/қызметтері туралы барлық ақпарат askona.kz сайтында жарияланған.

2.1. Интернет-дүкен «KZ Sleep Market» (КЗ Слип Маркет) ЖШС меншігі болып табылады және интернет желісі арқылы тауарларды қашықтықтан сату тәсілін ұйымдастыруға арналған.

2.2. Сатушы тауарды қарау, тапсырысты есептеу және рәсімдеу үшін интернет-дүкен ресурсын пайдалануға Сатып алушыдан тіркелу немесе интернет-дүкен ресурсын пайдалануға шарт жасасу сияқты арнайы әрекеттерді талап етпейді.

2.3. Сатушы интернет-дүкенде тапсырыс рәсімдеген кезде Сатып алушы ұсынған ақпараттың мазмұны мен шынайылығына жауапкершілік көтермейді.

3.1. Сатып алушы тапсырысты рәсімдеу кезінде берілген ақпараттың шынайылығына және оның үшінші тұлғалардың шағымдарынан тазалығына жауапкершілік көтереді.

3.2. Сатып алушы тапсырысты рәсімдеу кезінде «Мен жария оферта шартының талаптарын қабылдаймын» бағанында құсбелгі қою арқылы осы Шартпен белгіленген талаптармен келісетінін растайды. Шартты жасамас бұрын Сатып алушы Шарттың талаптарымен толық оқып шыққан болады, Шарттың барлық талаптары түсінікті, Сатып алушы Шарттың барлық талаптарымен келіседі.

3.3. Тауарды қарау және таңдау, сондай-ақ тапсырысты рәсімдеу үшін интернет-дүкен ресурсын пайдалану Сатып алушы үшін ақысыз болып табылады.

3.4. Тауарды Сатып алушы кәсіпкерлік қызметпен байланысты емес, тек жеке, отбасылық және тұрмыстық қажеттіліктер үшін сатып алады.

4.1. Сатушы Сатып алушының тапсырыстары негізінде Сатып алушыға Офертада және оның қосымшаларында Сатушы белгілеген талаптар мен бағалармен тауарды сатады.

4.2. Сатып алушы тапсырыс берген және төлеген тауарларды жеткізуді Сатушы немесе Тасымалдаушы ақылы негізде жүзеге асырады. Сатып алушы Сатушының қоймасынан тауарды өз бетінше алуға (алып кетуге) құқылы. Тапсырысты рәсімдеу кезінде сатып алушыға жеткізу тәсілін таңдау құқығы беріледі.

4.3. Сатып алушы мен Сатушы арасындағы қарым-қатынасқа бөлшек сатып алу-сату туралы ҚР АК ережелері (25-тарау, § 2), «Тұтынушылардың құқықтарын қорғау туралы» ҚР Заңы, сондай-ақ оларға сәйкес қабылданған басқа да нормативтік-құқықтық актілер қолданылады.

4.4. Жеке тұлға Сатушы ұсынған талаптармен Сатып алушының тауарды сатып алу ниеті туралы Сатушы хабарлама алған сәттен бастап Офертаның (офертаның акцепті) және оның қосымшаларының барлық талаптарын толық көлемде және ерекшеліксіз қабылдаған болып саналады. Ұсыныс қабылданған жағдайда жеке тұлға тапсырыс берілген тауарды сатып алу-сату шартын Сатушымен жасасқан болып есептеледі және Сатып алушы мәртебесіне ие болады.

5.1. Сатып алушы – офертаның 4.4.-тармағына сәйкес офертаның талаптарын толық көлемде және ерекшеліксіз қабылдаған (офертаның акцептін жасаған) жеке тұлға.

5.2. Сатушы – «KZ Sleep Market» (КЗ Слип Маркет) жауапкершілігі шектеулі серіктестігі.

5.3. Интернет-дүкен – интернет желісінде askona.kz адресі бар, Сатушыға тиесілі және Сатушының Сатып алушыларға Сатушыға тиесілі тауар офертасы негізінде сатуға арналған интернет-сайт.

5.4. Сайт – интернет желісінде askona.kz адресі бар интернет-сайт.

5.5. Каталог - интернет-дүкенде орналастырылған тауарлар туралы ақпарат.

5.6. Тауар – мүлік: Сатушы интернет-дүкенде сататын тұрмыстық жиһаз, соның ішінде матрастар, және/немесе аксессуарлар және т.б.

5.7. Тапсырыс - Сатып алушының интернет-дүкенде рәсімделген, тауарды сатып алу туралы шешімі.

5.8. Шарттың орындалу жері – Сатушының күшімен Сатып алушыға тауар жеткізілетін Сатып алушы көрсеткен жер (мекенжай), не Сатып алушы тауарды Сатушының күшімен жеткізуден бас тартқан жағдайда (алып кету) Сатушының дүкен-салоны немесе қоймасы, не Тасымалдаушы тауарды жеткізген жағдайда Сатып алушы шарт жасасқан тасымалдаушының аумағы.

5.9. Өкіл – жасалған Сатып алу-сату шарты бойынша Сатушыдан Тауарды алуға Сатып алушыдан нотариалды куәландырылған сенімхатты, түбіртекті немесе шарттың жасалғанын дәлелдейтін өзге де құжатты ұсынған жеке тұлға.

5.10. Тасымалдаушы – тасымалдау шарты бойынша оған жөнелтушi сенiп тапсырған тауарды жөнелту пунктiнен тағайындау пунктіне дейiн жеткiзу, сондай-ақ тауарды алушыға беру міндеттемесін өзiне алған заңды тұлға немесе жеке кәсiпкер. Тасымалдаушымен тасымалдау шартын Сатып алушы дербес жасай алады. Сатып алушы Тасымалдаушының жеткізген Тауарын алғаннан кейін Сатушыға Сатып алушымен жасалған Тасымалдау шартының көшірмесін беруге міндеттенеді.

5.11. Тараптар – бірлесіп Сатып алушы мен Сатушы.

6.1. Сатып алушы тапсырысты интернет-дүкеннің сайтында дербес немесе сайтта көрсетілген телефон нөмірлері бойынша менеджер арқылы Сатып алу-сату шартының талаптарымен рәсімдей алады.

6.2. Интернет-дүкенде тапсырысты рәсімдеген кезде Сатып алушы өзі туралы келесі ақпаратты көрсетуі тиіс:

• Сатып алушының Т.А.Ә. және ЖСН;
• Тауарды жеткізу мекенжайы;
• Сатып алушының байланыс телефоны және электрондық поштасы;
• Өкілге нотариалды куәландырылған сенімхат қоса берілген Сатып алушы Өкілінің Т.А.Ә. және ЖСН;

6.3. Сатып алушының ерік білдіруі интернет-дүкендегі тапсырыс нысанына тиісті деректерді енгізу немесе интернет-дүкен менеджері арқылы немесе e-mail бойынша өтінім беру арқылы жүзеге асырылады.

6.4. Сатушы интернет-дүкендегі Сатып алушы туралы ақпаратты өңдемейді.

6.5. Сатып алу-сату шартының қағаз данасын алу үшін Сатып алушы сайтта көрсетілген электрондық пошта немесе телефон нөмірі арқылы өтінім жібереді.

7.1. Тауар сайтта, Сатушының меншігі болып табылатын фото-үлгілер арқылы ұсынылған.

7.2. Әрбір фото-үлгі мәтіндік ақпаратпен бірге беріледі: атауы, өлшем ауқымы (қажет болса), тауардың бағасы және сипаттамасы.

7.3. Интернет-дүкенде ұсынылған барлық ақпараттық материалдар тек анықтама үшін берілген. Сатып алушыда тауардың қасиеттері мен сипаттамаларына қатысты сұрақтар туындаса, Сатып алушы тапсырыс бермес бұрын Сатушыға сайтта көрсетілген телефон нөмірлері арқылы хабарласуы керек.

7.4. Сатып алушының өтініші бойынша интернет-дүкен менеджері тауарды сатып алу туралы шешім қабылдау үшін Сатып алушы тұрғысынан қажетті және жеткілікті басқа да ақпаратты (телефон немесе электрондық пошта арқылы) беруге міндетті.

7.5. Сатып алушыға тауарды оның кемшіліктеріне (ақауларына) байланысты белгіленген жеңілдікпен (арзандатылған тауар) сатып алу арқылы болашақта оларға сілтеме жасау құқығынан айырылатыны ескертіледі.

7.6. Сатып алушыға Сатушы шотта жеке позициялармен көрсетілген тауар кез келген жағдайда жиынтық емес екендігі туралы хабарланған.

8.1. Сатып алушы интернет-дүкенде ұсынылған кез келген таураға тапсырыс беруге құқылы. Әрбір тауарға кез келген мөлшерде тапсырыс беруге болады. Бұл ережеден ерекшеліктер акцияларды өткізу, тауарды сатудан алып тастау және т.б. жағдайда әрбір тауардың сипаттамасында көрсетіледі.

8.2. Тапсырысты Сатып алушы сайтта көрсетілген телефондар арқылы рәсімдей алады немесе сайтта дербес рәсімдей алады. Сайт арқылы тапсырысты рәсімдеу туралы мәліметтер «Тапсырысты қалай рәсімдеу керек» бөлімінде сипатталған.

8.3. Тапсырысты рәсімдегеннен кейін Сатушы Сатып алушының электрондық поштасына таңдалған тауардың атауын, өлшемін, бағасын және тапсырыстың жалпы сомасын көрсете отырып, тапсырысты қабылдағанын растайтын ақпаратты жіберу арқылы Сатып алушының тапсырысын растайды немесе интернет-дүкен менеджері Сатып алушымен телефон арқылы байланысады.

8.4. Тауар қоймада болмаса, интернет-дүкен менеджері бұл туралы Сатып алушыны хабардар етуге міндетті (телефон немесе электрондық пошта арқылы).

8.5. Сатып алушы қоймада уақытша жоқ тауарға алдын ала тапсырыс беруге құқылы.

8.6. Тауар жоқ болса, Сатып алушы оны басқа тауармен ауыстыруға немесе тапсырыстың күшін жоюға құқылы.

8.7. Тауарды жеткізу мерзімі Сатушының сайтында «Тауарды жеткізу мерзімдері» бөлімдерінде көрсетіледі және Сатушы Тауар үшін 100% алдын ала төлем алғаннан кейін келесі күні есептеле бастайды. Тауар Сатып алушыға мерзімінен бұрын жеткізілуі мүмкін.

9.1. Интернет-дүкенде тауардың бағасы тауар бірлігіне теңгемен көрсетілген. Тауардың бағасына тауарды Сатып алушыға жеткізу және Сатушының басқа қызметтері кірмейді.

9.2. Интернет-дүкеннің сайтында көрсетілген тауардың бағасын Сатушы біржақты тәртіппен өзгерте алады, бұл ретте Сатып алушы тапсырыс берген және төлеген тауардың бағасын өзгертуге болмайды.

9.3. Тапсырыстың жалпы құны тауардың каталогтық құнынан (ол тауардың қорытынды құнынан немесе тауардың барлық қажетті құрамдас бөліктері құнының сомасынан (көтеру тетігі бар кереует, матрасы бар диван) каталогтық құн сайтта көрсетілген), жеткізу құнынан және қабатқа көтеру құнынан тұрады.

9.4. Интернет-дүкенде тауарды сатып алу кезінде Сатушы Сатып алушыға ұсынатын қызметтердің құны «Тауарды жеткізу, сақтау және құрастыру бойынша қызмет көрсету талаптары» бөлімінде көрсетілген.

9.5. Сатушы Сатып алушыларға Акциялар мен Арнайы ұсыныстар талаптары бойынша Қосымша жеңілдіктер ұсыну құқығын өзіне қалдырады, Сатып алушы олармен Сайтта «Акциялар» бөлімінде таныса алады.

9.6. Тауарға Қосымша жеңілдік Сатып алушы Тауарды себетке қосқан және Қосымша жеңілдікті ұсыну мерзімі аяқталғаннан кейін 3 (үш) күнтізбелік күн ішінде таңдалған Тауар үшін ішінара немесе толық төлем жасаған жағдайда сақталады. Көрсетілген мерзім аяқталғаннан кейін Себетке қосылған Тауарға Қосымша жеңілдіктің күші жойылады.

10.1. Тауарды төлеу тәсілдері мен тәртібі сайтта «Тауарды төлеу» бөлімінде көрсетілген. Қажет болған жағдайда тапсырыс берілген тауарды төлеу тәртібі мен талаптарын Сатып алушы интернет-дүкен менеджерімен келіседі.

10.2. Қолма-қол ақшасыз төлеу үш банктік күн ішінде рәсімделген шот бойынша жүзеге асырылады. Ақшалай қаражат Сатушының шотына түскеннен кейін интернет-дүкен менеджері Сатып алушымен тауарды жеткізу мерзімінде жеткізу күнін келіседі. Қолма-қол ақшасыз төлем жасаған кезде Сатып алушының тауардың бағасын төлеу жөніндегі міндеттемесі Сатушы көрсеткен есеп айырысу шотына тиісті ақшалай қаражат түскен сәттен бастап орындалды деп саналады.

10.3. Сатып алушы тапсырысты интернет-дүкенде таңдалған кез келген тәсілмен төлейді.

10.4. Тапсырысты төлеу кезінде Тараптардың есеп айырысулары теңгемен жүргізіледі.

10.5. Сатып алушы үшінші тұлғаның банктік картасын пайдалана отырып және оның келісімінсіз Тауар үшін төлем жүргізген жағдайда карта Ұстаушысының шағымдары бойынша барлық/кез келген жауапкершілікті өз мойнына алады және Сатып алушының осы талаптарды бұзуынан туындаған шығындарды Сатушыға толық көлемде өтеуге міндеттенеді. Тауар үшін төлем жүргізілген карта Ұстаушысымен туындаған барлық/кез келген дауларды Сатып алушы дербес шешеді.

11.1. Тауарды жеткізу тәсілдері мен тәртібі сайтта «Тауарды жеткізу, сақтау және құрастыру бойынша қызмет көрсету талаптары» бөлімінде көрсетілген. Тапсырыс берілген тауарды жеткізу тәртібі мен талаптарын Сатып алушы интернет-дүкен менеджерімен келіседі.

11.2. Тауарды алып кету:

11.2.1. Сатушы орналастырылған тапсырыс туралы хабарламаны ала отырып, оны Сатып алушының телефоны немесе электрондық поштасы арқылы алғанын растайды және онымен тауарды алып кету күні туралы келіседі.

11.2.2. Сатып алушы тапсырысты Сатушының қоймасы орналасқан жерде алады. Қоймалардың мекенжайларын, байланыстарын және жұмыс уақытын интернет-дүкеннің менеджерлерінен алуға болады. Сатушы Сатып алушының телефоны немесе электрондық поштасы арқылы Сатушының есептік шотына тапсырыс төлемі аударылғанын қосымша растайды және содан кейін ғана Сатып алушымен тауарды алып кету күні туралы келіседі.

11.2.3. Меншік құқығы және тауардың кездейсоқ жойылу, жоғалу немесе бүліну қаупі тауар Сатып алушыға немесе оның Өкіліне берілген сәттен бастап Сатып алушыға ауысады.

11.3. Меншік құқығының ауысуы және тауардың кездейсоқ жойылу, жоғалу немесе бүліну қаупі тауар Сатып алушыға немесе Өкілге берілген сәттен бастап Сатып алушыға ауысады.

11.4. Тасымалдаушы арқылы тауарды жеткізу:

11.4.1. Меншік құқығы және тауардың кездейсоқ жойылу, жоғалу немесе бүліну қаупі Сатушыдан Сатып алушыға немесе Тасымалдаушыға (Сатып алушы мен Тасымалдаушы арасында жасалған шартқа сәйкес) тауар Тасымалдаушыға берілген сәттен бастап, Тараптар тауар жүкқұжатына және/немесе көлік жүкқұжатына және/немесе тауар-көлік жүкқұжатына немесе тауардың Тасымалдаушыға берілгенін дәлелдейтін басқа да құжатқа қол қойған кезде ауысады.

11.4.2. Сатып алушыға тауарды беру міндеттемесі, соның ішінде 11.4.1.-тармақ, тауар Тасымалдаушыға берілген сәттен бастап орындалған деп есептеледі.

11.4.3. Әрбір тапсырыс шеңберінде тауарды жеткізу құны барлық тапсырыс берілген тауарлардың салмағына, тапсырыстың жеткізу мекенжайына, тасымалдаушының бағаларына қарай есептеледі және Сатып алушы Тасымалдаушыға дербес төлейді. Жеткізу құны тауардың бағасына кірмейді.

11.5. Сатып алушы тауарды қабылдау кезінде саны мен ассортименті бойынша қабылдауға міндетті.

11.6. Тауарды алған кезде Сатып алушы немесе Өкіл Сатушының немесе Тасымалдаушының өкілінің қатысуымен алынған тауардың атауы, саны, ассортименті, сапасы, тапсырыс берілген тауарға толықтығы бойынша сәйкестігін тексеруге міндетті.

11.7. Тауарды қабылдау кезінде Сатып алушы немесе Өкіл тауарды алғаны туралы құжатқа өзінің қолымен тауардың сыртқы түріне және толықтығына наразылығының жоқтығын растайды.

11.8. Жеткізілген кезде төлеу тәсілін таңдаған және Тауарды жеткізу және/немесе қабылдау кезінде төлеуден бас тартқан жағдайда, Тауар Сатып алушыға берілмейді және бұл жағдайда Сатып алушы екі жаққа да (клиентке дейін және кері сатушыға) жеткізу құнын төлеуге міндеттенеді. Қайта жеткізу төлемді қайта жүргізгеннен кейін жүзеге асырылады.

11.9. Тауарды алып кету кезінде Сатып алушының өкілі (курьер) Сатушыға Тауарды Сатып алушы үшін алу/Тауарды алған кезде құжаттарға қол қою құқығы көрсетілген, Сатып алушының Тауарын алу өкілеттігін растау үшін Сатып алушы берген нотариалды куәландырылған сенімхатты ұсынуға міндетті.
Бұл талап орындалмаған жағдайда Сатушы курьер тиісті түрде рәсімделген сенімхатты ұсынбағанша Тауарды бермеу құқығын өзіне қалдырады.

12.1. Тауардық кепілдік мерзімін өндіруші белгілейді. Кепілдік мерзімі тауардың заттаңбасында көрсетіледі. Қосымша кепілдік міндеттемелері сайтта «Кепілдік міндеттемелер мен ұсынымдар» бөлімінде көрсетілген.

13.1. Клиент «Тұтынушылардың құқықтарын қорғау туралы» ҚР Заңында көзделген тәртіппен және талаптармен тауардан бас тартуға құқылы.

13.2. Тиісті сападағы тауарды қайтару оның тауарлық түрі, тұтынушылық қасиеттері, пломбалары, заттаңбалары, сондай-ақ тауарды сатып алу фактісін растайтын құжат сақталса мүмкін болады.

13.3. Заңда және осы Шартта көзделген жағдайларда тауарды қайтару сайттың «Дүкендер» бөлімінде көрсетілген мекенжайлар бойынша жүзеге асырылады.

13.4. Заңнамада көзделген негіздер бойынша Тауарды қайтарған жағдайда, Сатып алушыдан қайтарылған тауарды жеткізу бойынша Сатушының шығыстарын қоспағанда, Сатушы Сатып алушыға шартқа сәйкес төленген соманы Тауардың ақауы расталса, ал сапалы Тауарды қайтарған жағдайда, Сатып алушы қайтарылатын Тауарға қойылатын талаптарды сақтаса, Сатушы қайтарылатын Тауарды алған күннен бастап 5 (бес) жұмыс күнінен кешіктірмей қайтарады.

13.5. Сатып алушы қарсылық білдірмейді және ақшалай қаражатты қайтару Сатып алушы ұсынған деректемелер бойынша банктік шотақ аудару арқылы жүзеге асырылатынына келіседі. Сатып алушы деректемелерді бермеген жағдайда, Сатушы ақшалай қаражатты қайтару міндетін бұзған деп саналмайды.

13.6. Осы Шартта көрсетілген ақшалай қаражатты қайтару тәсілін Сатушы осы шартта және ҚР заңнамасында көзделген ақшалай қаражатты қайтарудың басқа да жағдайларында пайдалана алады.

13.7. «Тұтынушылардың құқықтарын қорғау туралы» Қазақстан Республикасы Заңының 30-бабының талаптарына сәйкес сапалы азық-түліктік емес Тауарды қайтару немесе айырбастау жағдайында, сапалы Тауарды қайтару Сатып алушының күшімен және/немесе оның есебінен жүзеге асырылады, бұл ретте Сатып алушы осындай Тауарды Сатушыға жеткізу кезеңінде оның бүлінгені үшін дербес жауапты болады. Егер Сатушының кінәсінен емес Тауардың бүлінгені және/немесе зақымданғаны және/немесе Тауардың сыртқы түрінде басқа да ақаулар/ластанулар анықталса, Сатушының орналасқан жері бойынша алған сәтінде Сатушы Заңға сәйкес сапалы Тауарды қабылдаудан бас тартуға құқылы.

13.8. Сатып алушы Заңда көзделген Тауарды қайтару/айырбастау жағдайларында Сатушыға сапалы Тауарды жөнелтпес БҰРЫН, бұлардың бәрінен басқа, Сатушыға Тауардың барлық жағынан түсірілген анық фотосуреттерін жіберуге, содан кейін тасымалдау кезінде тауардың сақталауын қамтамасыз ететін тасымалдау қаптамасына (картон) Тауарды өз бетінше буып-түюге, сосын Тауардың буып-түйілген түріндегі анық фотосуреттерін жіберуге міндетті. Егер Сатып алушы аталған талаптарды орындамаса және Тауарды Сатып алушыдан Сатушыға жеткізу кезеңінде қандай да бір бүлінуіне байланысты Сатып алушы Сатушының сыртқы түрі бүлінген/ластанған Тауарды қабылдаудан бас тартуының барлық тәуекелдерін өз мойнына алады және зақымдалған Тауарды Тауар орналасқан жерден әкетуге міндеттенеді.

13.9. Назарыңызды аударамыз: Қазақстан Республикасының «Тұтынушылардың құқықтарын қорғау туралы» Заңының 30-б. 1-т. шеңберінде тиісті сападағы азық-түліктік емес тауар пайдаланылмаса, оның тауарлық түрі, тұтынушылық қасиеттері, пломбалары, заттаңбалары, сондай-ақ тауарды сатып алу фактісін растайтын құжат сақталса, күнтізбелік он төрт күн ішінде Сатушы оны айырбастауды немесе қайтаруды қамтамасыз етуге міндетті.
Заңның жоғарыда аталған тармағының талаптарына сүйене отырып, егер Сатып алушы ұсынылған 14 (он төрт) күн ішінде қайтару туралы өтініш білдірсе де, Сатып алушы Тауарды мақсаты бойынша пайдаланған болса, Сатушы оны қайтарудан бас тартуға құқылы.

14.1. Сатып алушы мен Сатушы арасындағы қатынастарға Қазақстан Республикасының заңнамасы қолданылады.

14.2. Қажет болған жағдайда Сатушы мен Сатып алушы осы офертаның ережелеріне қайшы келмейтін жазбаша екіжақты келісім түрінде тауарды сатып алу-сату шартын кез келген уақытта жасасуға құқылы.

14.3. Сатып алушы тарапынан қандай да бір сұрақтар немесе шағымдар туындаған жағдайда, ол 8 700 836 95 92 телефоны (Астана уақыты бойынша сағат 09:00-ден 18:00-ге дейін) немесе [email protected] e-mail арқылы хабарласуы тиіс.

14.4. Осы шарт Сатып алушы осы офертаны акцепттеген күннен бастап күшіне енеді және Тараптар өз міндеттемелерін толық орындағанға дейін қолданылады.

14.5. Сатушы интернет-дүкеннің сайтындағы тауарлық ұсынысты кеңейтуге және азайтуға, кез келген тауарларды сатып алуға қолжетімділікті реттеуге, сондай-ақ өз қалауы бойынша кез келген тауарларды сатуды тоқтата тұруға немесе тоқтатуға құқылы.

«KZ Sleep Market» (КЗ Слип Маркет) ЖШС

050000, Қазақстан Республикасы, Алматы қ., Бостандық ауданы, Марков көшесі, 26

Телефон: +7 (727) 344-08-61

БСН 240340028732

ЖСК KZ17601A861032089231

«Қазақстан Халық банкі» АҚ-да

БСК HSBKKZKX